အီဂျစ် က ခရစ်ယာန် တယောက်

အစိုးရ ရှေ့နေက အဲဒီ အီဂျစ်က ခရစ်ယာန်ကို မေးပါတယ်။

-ဘယ်မှာလဲ ရဲ မှတ်တမ်း မူရင်းက
- ခင်ဗျားရဲ့ အမှုကို အဲဒီ ရဲက တကယ်ပဲ စုံစမ်းခဲ့တာလား။ ဒါမှမဟုတ် ခင်ဗျားပြောတာကိုပဲ သူတို့ နားထောင်လိုက်တာလား။
-တခြား မျက်မြင်သက်သေတွေကို အဲဒီ ရဲက မေးမြန်းတာတွေ လုပ်သလား။
-ဘယ်မှာလဲ ခင်ဗျားရဲ့ ခရီးသွားလက်မှတ်
-ခင်ဗျားပြောတော့ ခင်ဗျားအစိုးရက ခင်ဗျားကို မုန်းတယ်ဆို။ ဒါပေမဲ့ ခင်ဗျားကို ကောင်းတဲ့ ခံစားခွင့်တွေ ပေးတယ်မဟုတ်လား။ ဥပမာ ၁) ခရီးသွားလက်မှတ် ၂) အစိုးရ အလုပ် ၃) အစိုးရ တက္ကသိုလ်မှာ စာသင်ခွင့်။


ခင်ဗျားနိုင်ငံရဲ့ အမေရိကန် သံရုံးမှာ ပြည်ဝင်ခွင့် လျှောက်ခဲ့ဖို့ သွားခဲ့တာလား။ ခင်ဗျား လျှောက်လွှာ တခုကို ဖြည့်ခဲ့တယ်မဟုတ်လား။ ပြီးတော့ အကြောင်းပြချက် ကောင်းကောင်းပြောခဲ့တာမဟုတ်လား။ ခင်ဗျားတင်ခဲ့တဲ့ လျှောက်လွှာကို အခု တရားရုံးထဲမှာ ကျုပ်လက်နဲ့ ကိုင်ထားတယ် မဟုတ်လား။ ကျုပ်က ခင်ဗျားဖြေခဲ့တာတွေကို ခင်ဗျားထက် ပိုသိနေတာလား။ ဘယ်လို မေးခွန်းတွေ မေးလိုက်သလဲ။ ခင်ဗျားက ဘယ်လို ဖြေခဲ့သလဲ။

သံရုံးကို ဘယ်လို စာရွက်စာတမ်းတွေ ပေးခဲ့သလဲ။
ခင်ဗျား ပြည်ဝင်ခွင့်ရဖို့ အမှန်တွေ ပြောခဲ့တာလား။ ဘာလို့ မပြောခဲ့တာလဲ။


ပြောပါဦး ခင်ဗျားရဲ့ နိုင်ငံတကာ ခရီးသွားထားတဲ့ အကြောင်းတွေ။
ခင်ဗျားပြောတော့ ခင်ဗျား တိုင်းပြည်က သိပ်ကို အန္တရာယ်ရှိတယ်၊ ခင်ဗျားကို သိပ်မုန်းတဲ့ လူဆိုးတွေလည်း ရှိတယ်ဆို။
ဒါပေမဲ့လည်း ခင်ဗျားက ၂၀၀၅မှာ တိုင်းပြည်က ထွက်သွားပြီးခါမှ ကိုယ့်တိုင်းပြည်ထဲကို အလိုကျ ပြန် လာခဲ့တာပေ့ါ။
ခင်ဗျားနိုင်ငံထဲက မြို့ နံပါတ် ၁မှာ ခင်ဗျားပြဿနာ ရှိခဲ့တာလား။ ဟုတ်ပြီ။ အဲဒါဆိုရင် ဘာဖြစ်လို့ မြို့နံပါတ် ၂မှာ သွားမနေတာလဲ။ မြို့နံပါတ် ၃က ရော၊ ဘာဖြစ်လို့ တခြားနေရာတွေမှာ သွားနေဖို့ မကြိုးစားခဲ့တာလဲ။
ခင်ဗျားက ပြောတယ် လူတယောက်က ခင်ဗျားကို မေ့လဲသွားအောင် တွန်းချလိုက်တယ်ဆို။ ဘာဖြစ်လို့လဲ။ ဘာလို့ သူက တွန်းလိုက်တာလဲ။ သူ ရည်ရွယ်တာက ဘာလဲ။

ခင်ဗျား အမေရဲ့ ဘာသာရေးက ခင်ဗျားနဲ့ အတူတူပဲ မဟုတ်လား။ ဒါပေမဲ့ သူလည်း ခင်ဗျား တိုင်းပြည်မှာ နေနေတာ မဟုတ်လား။ ခင်ဗျားတို့ရဲ့ ဘာသာရေး ယုံကြည်သူတွေကို သူတို့က မုန်းတယ်ဆိုရင်၊ ဘာဖြစ်လို့ ခင်ဗျားအမေက မသေသေးတာလဲ ။ ခင်ဗျား အမေနဲ့ သွားနေပေါ့။ သူလည်း တော်တော်တန်တန်ပျော်နေတာပဲ မဟုတ်လား။

ကန်မရွန်းနိုင်ငံမှ ဆန္ဒပြသမား

နိုင်ငံရေး ခိုလှုံခွင့်အရာရှိက ကန်မရွန်းနိုင်ငံက ဘာမှ ခန္ဓာကိုယ်ထိခိုက်ဒဏ်ရာ မရထားခဲ့တဲ့ ဆန္ဒပြသမားကို မေးခွန်းတွေ မေးပါတယ်။
၁။ ခင်ဗျားရဲ့ ဒွာလာမြို့က လိပ်စာက ဘာလဲ။ လမ်းနာမည်၊ အိမ်နံပါတ် မရှိဘဲနဲ့ ရဲက ခင်ဗျားကို ဘယ်လိုလုပ် လိုက်ရှာတုန်း။ ရက်ကွက်ထဲက လူတွေကို ခင်ဗျားဘယ်မှာနေတာလဲလို့ လိုက်မေးတာလား။
၂။ ခင်ဗျားမှာ နိုင်ငံရေး အယူအဆ ရှိတာလား။ ဘာတုန်း။
၃။ ခင်ဗျားပြောတော့ ခင်ဗျားဟာ SDF ကို ထောက်ခံတယ်လို့ ဆိုတယ်။ ထောက်ခံသူနဲ့ အသင်းဝင်ဆိုတာ ဘာကွဲတာလား။
၎။ ခင်ဗျားက ဘာဖြစ်လို့ အသင်းဝင် မဟုတ်တာလဲ။
၅။ အစိုးရနဲ့ ခင်ဗျားကြား ဘာအခက်အခဲတွေ ရှိခဲ့တာလဲ။
၆။ ဘယ်လို ဆန္ဒပြတာလဲ။ ဘာလုပ်ခဲ့တာလဲ ထူးထူးခြားခြား။ ခင်ဗျား လမ်းမှာ ခင်ဗျားရဲ့ ထရပ်ကားကို ရပ်လိုက်မယ်။ ပြီးတော့ ရပ်ပြီး ကြွေးကြော်သံတွေ ဆိုမယ် အဲဒါလား။
၇။ တခြား ဆန္ဒပြသမားတွေက ဘာလုပ်သလဲ။
၈။ သူတို့တွေရဲ့ နာမည်တွေကို သိတာလား။
၉။ အဲဒီထဲက တယောက်က ခင်ဗျားကို ထောက်ခံစာရေးပေးထားသလား။ ဘယ်သူမှ မရေးပေးဘူးလား။ ဘာဖြစ်လို့လဲ။ ခင်ဗျားကို ရေးပေးဖို့ရော မေးဖူးရဲ့လား။
၁၀။ ၂၀၀၉ မတ်လမှာ ခင်ဗျားရဲ့ မိန်းမ က ဘာပြောတာလဲ။ သူပြောပြနေတုန်းက ခင်ဗျားရဲ့ စိတ်ထဲ ဘာတွေ ဖြစ်သွားသလဲ။
၁၁။ အစိုးရက ခင်ဗျားကို ဘာဖြစ်လို့ လိုက်ရှာနေတာလဲ။ အရေးကြီးလို့လား။
၁၂။ အစိုးရက အခုချိန်ထိ ခင်ဗျားကို စိတ်ဝင်စားနေတုန်းလား။ ၂နှစ်တောင်ကြာတဲ့အထိတောင် စိတ်ဝင်စားနေတုန်းလား။

ခင်ဗျားရဲ့ ပြည်ဝင်ခွင့် ဗီဇာ

ခင်ဗျား ခရီးသွားဗီဇာကို ဘယ်လို ရအောင် ယူခဲ့သလဲ။ ခင်ဗျား ၂မျက်နှာရှိတဲ့ လျှောက်လွှာကို ဖြည့်ခဲ့သလား။ အဲဒီလျှောက်လွှာနံပါတ်က DS 156 လား။
- အဖြေတွေကို ရေးဖြည့်ခဲ့တယ် မဟုတ်လား။ ဒီလျှောက်လွှာက ပြီးခဲ့တဲ့၂နှစ်လောက်က ခင်ဗျား ဖြည့်ခဲ့တဲ့ လျှောက်လွှာ မဟုတ်လား။

-[နိုင်ငံရေး ခိုလှုံခွင့် အရာရှိက အဲဒီလူ ဖြည့်ခဲ့တဲ့ ၂မျက်နှာရှိတဲ့ လျှောက်လွှာကို ဘယ်လို ရပါသလဲ။ ]
အမေရိကန် သံရုံးကို ကိုယ်တိုင်သွားခဲ့တာလား။ ဘယ်နှစ်ကြိမ် သွားခဲ့တာလဲ။ ဘာတွေ ပြောခဲ့သလဲ။ သံရုံးက လူက ဘာမေးသလဲ။ ခင်ဗျားက ဘာတွေ ဖြေခဲ့သလဲ။ ခင်ဗျား ညာပြောခဲ့သလား။

ခင်ဗျား မနက်ဖြန်ပဲ ပြန်ရင် ဘာဖြစ်မလဲ။ ခင်ဗျားကို သူတို့က ဖမ်းမယ်လို့ ဘာလို့ ထင်ရတာလဲ။
ခင်ဗျား တိုင်းပြည်က ထွက်လာပြီးနောက်ပိုင်း ခင်ဗျားရဲ့ အမျိုးသမီးက ဘာတွေ ခံစားရသလဲ။ ဘာဖြစ်လို့လဲ။
ခင်ဗျားရဲ့ ယာဉ်မောင်းလိုင်စင်ကို အသေးစိတ်ကြည့်စို့။ ဒီမှာ ရှိတဲ့ နေ့စွဲ တခုချင်းက ဘာကို ဆိုလိုတာလဲ။ အကြိမ်တိုင်းမှာ ခင်ဗျားက ဘယ်မြို့မှာ ရှိနေတာလဲ။
ခင်ဗျားရဲ့ ယာဉ်မောင်းလိုင်စင်က ခင်ဗျားအကြောင်းကို ပိုသိတာလား။ ခင်ဗျားရဲ့ နိုင်ငံကူးလက်မှတ်က ခင်ဗျားထက် ပိုသိနေတာလား။ ဘာပြောစရာ ရှိသေးလဲ။

ဟုတ်ပါပြီ၊ ဘာတွေ ပြောစရာ ရှိသေးသလဲ။

အီရက်မှ အနောက်တိုင်း အားပေးသူ

နိုင်ငံရေး ခိုလှုံခွင့် အရာရှိက အီရက် နိုင်ငံက ရှီအာ ဘာသာဝင် အမေရိကန် အစိုးရနဲ့ အနောက်တိုင်း အယူ ထောက်ခံသူ မစ္စတာ အေကို မေးခွန်းတွေ မေးပါတယ်။

- အမေရိကန်ကို ဘယ်တုန်းက ရောက်သလဲ။ ခင်ဗျားတိုင်းပြည်မှာ နောက်ဆုံးနေခဲ့တဲ့ လ်ိပ်စာက ဘာလဲ။ နောက်ဆုံး နေခဲ့တဲ့ ခင်ဗျားတိုင်းပြည်က လိပ်စာ လေးခု ကိုပြောပြပါ။
-ဘာဖြစ်လို့ ဒီနေ့ နိုင်ငံရေး ခိုလှုံခွင့်လာတောင်းတာလဲ။
-ဘယ်တုန်းက ပထမဆုံးအကြိမ် နိုင်ငံကူး လက်မှတ်ကို ရထားတာလဲ။ ဘယ်လို ရအောင်လုပ်သလဲ။ ဒုတိယ နိုင်ငံကူးလက်မှတ်ကို ဘယ်တုန်းကရတာလဲ။ အခု ဘယ်မှာလဲ။ အထဲမှာ ရှိတဲ့ တံဆိပ်တုန်းတွေက ခင်ဗျား ပြောနိုင်တာထက် ပိုပြောနိုင်တာလား၊

- ခင်ဗျားရဲ့ မိသားစုက “Green Zone”ဆိုတဲ့ နေရာမှာ နေခဲ့တာလား။ ဘာဖြစ်လို့ မနေခဲ့တာလဲ။ နေရာမရှိတာလား၊ ရှိတာလား။
-၂၀၀၆ ဇွန် ဘယ်နေ့မှာ ခင်ဗျားက ပြန်ပေးဆွဲခံရတာလဲ။ ခင်ဗျားကို ဘယ်လောက်ကြာအောင် ချုပ်ထားတာလဲ။ ဘယ်နှစ်နာရီကြာခဲ့တာလဲ။
-ခင်ဗျားကို ဘယ်တော့မှ လွှတ်လိုက်တာလဲ။ ဘာဖြစ်လို့ လဲ။ ဘာဖြစ်လို့ ခင်ဗျားကို မသတ်လိုက်တာလဲ။
- အငှားယာဉ် မောင်းတဲ့သူက ခင်ဗျားကို လူဆိုးတွေဆီ ပို့လိုက်တယ်လို့ ခင်ဗျားက ပြောတယ်။ သူတို့က ခင်ဗျားဟာ ရှီအာဆိုတာ သိလို့လား။

-သူတို့က ခင်ဗျား ရှီအာဆိုတာ ဘယ်လိုလုပ်သိတာတုန်း။
-ခင်ဗျားကို ဂိတ်တွေကို မောင်းပို့တယ် ဟုတ်လား။ ဂိတ်ဆိုတာ ဘာလဲ။ ခင်ဗျားက အဲဒီမှာ ရပ်ရတာလား။ မရပ်ရတာလား။
-ရှီအာရဲ့ စကားပြောသံက စွန်နီတွေရဲ့ စကားပြောသံနဲ့ တူတာလား။ မတူတာလား။ ဟုတ်တာလား၊ မဟုတ်တာလား။ ဘာမတူတာလဲ။
-ခင်ဗျားကို လူဆိုးတွေက ဘာဖြစ်လို့ လွှတ်ပေးလိုက်တာလဲ။ ဘာဖြစ်လို့ ခင်ဗျားကို မသတ်လိုက်တာလဲ။ တချို့သူတွေမှာ တောင်ပိုင်းလေသံ ရှိတာလား။ တချို့မှာတော့ ဘက်ကဒက်မြို့သား လေသံရှိတာလား။

ရှီအာတွေရော၊ စွန်နီတွေရော ဘက်ကဒက်မှာ နေတာမဟုတ်လား။ သူတို့တွေရဲ့ လေသံတွေက တူတာလား၊ မတူတာလား။
- ခင်ဗျားရဲ့ နောက်ဆုံး နာမည်က ရှီအာလား။ လူတယောက်က ခင်ဗျားရဲ့ မှတ်ပုံတင်ကို ကြည့်မယ်၊ သူက ခင်ဗျားရဲ့ နောက်ဆုံးနာမယ်ကို တွေ့မယ်၊ အဲဒီအခါမှာ သူက ခင်ဗျားဟာ ရှီအာမှန်း သိနိုင်တာလား။ အငှားယာဉ်မောင်းသူက ခင်ဗျားရဲ့ မှတ်ပုံတင်ကဒ်ပြားကို ကြည့်လိုက်လို့လား၊ အဲဒါဆိုရင် သူက ခင်ဗျားရဲ့ နောက်ဆုံးနာမည်ကို ဘယ်သိမှာလဲ။ မသိဘူးမဟုတ်လား။
-အမေရိကန်မှာ စကားပြောတဲ့ လေသံက ဘယ်ဘာသာ ကိုးကွယ်သလဲဆိုတာကို မသိစေနိုင်ဘူး။
တကယ်လို့ လူတယောက်မှာ နယူးယောက်လေသံ ရှိတယ်ဆိုပါဆို့။ သူ့ဟာ ဘာ ဘာသာဝင်လဲဆိုတာ ခင်ဗျားသိနိုင်သလား။
-ရှီအာတွေက စွန်နီတွေ မပြောတဲ့ စကားလုံးတွေ သုံးတယ်ဟုတ်လား။ ဥပမာ ဘာလိုမျိုးစကားလုံးတွေလဲ။
=
ခင်ဗျားကို လွှတ်လိုက်တုန်းက ခင်ဗျားရဲ့ ဒဏ်ရာတွေက ဘာတွေတုန်း။ ချုပ်ရာနဲ့ ကွဲပြဲနေတဲ့ အနာကြီးတွေလား။ ဒါပေမဲ့ ဆရာဝန်ကတော့ ချုပ်ရာနဲ့ အနာတွေအကြောင်း မပြောပါလား။
- ခင်ဗျားပေးထားတဲ့ ဆရာဝန်ဆေးစာကို ခင်ဗျား တကယ်တမ်း မဖတ်သေးရဘူးလား။ ကျုပ်က ခင်ဗျားရဲ့ စာတွေကို ခင်ဗျားထက် ပိုဖတ်ရတယ်ဆိုတဲ့ သဘောလား။ ကျူပ်ကတော့ ဖတ်ပြီးတော့ ခင်ဗျားက မဖတ်ရသေးဘူးလား။
ခင်ဗျား ကျောင်းပြန်တက်တာလား။ ဒါမှမဟုတ် ခင်ဗျား အရမ်းကို ကြောက်သွားတာလား။ ခင်ဗျားရဲ့ နိုင်ငံရေး ခိုလှုံခွင့် လျှောက်လွှာ စာမျက်နှာ ၄က ဘာတွေ ပြောထားသလဲ။ ခင်ဗျားပြောတာနဲ့ မတူတာတွေ ပြောထားပါလား။ ခင်ဗျားရဲ့ လျှောက်လွှာအကြောင်းကို ခင်ဗျားထက် ကျူပ်က သိနေတာလား။
-ခင်ဗျား ဦးလေးရဲ့ စာထဲမှာ ခင်ဗျားက ကျောင်းပြန်တက်ခဲ့တယ်ဆိုတယ်။ ဟုတ်တာလား၊ မဟုတ်တာလား။ ခင်ဗျားမသိဘူးလား၊ ခင်ဗျားကပဲ သူ့ရဲ့စာကို ကျူပ်ကို ပေးထားတာမဟုတ်လား။ ခင်ဗျား မဖတ်ရသေးဘူးလား။
-ခင်ဗျားက ခင်ဗျားဟာ ပြန်ပေးဆွဲခံရတယ်လို့ ဆိုတယ်။ တခြားသူတွေကို ခင်ဗျားပြန်ပေးဆွဲခံရတဲ့ အကြောင်း ပြောပြသလား။ ပြန်ပေးဆွဲခံရပြီး ချက်ချင်းပြောပြတာလား၊ ဒါမှမဟုတ် အကြာကြီး စောင့်ပြီးမှ ပြောတာလား။
- ခင်ဗျားအိမ်ရဲ့ နံရံမှာ လူတယောက်က ဘယ်တုန်းက လာပြီး ဆေးသုတ်သွားတာလဲ။ ဘယ်နှစ်မှာ ဖြစ်တာလဲ။ လိပ်စာက ဘာလဲ။
-ခင်ဗျားတိုင်းပြည်ကို ပြန်ရင် ဘာဖြစ်မှာလဲ။
-ခင်ဗျား အမေရိကားကို ရောက်တာ ၂၀၀၈ အစောပိုငးတုန်းက ရောက်တယ်။ ဒါပေမဲ့ နိုင်ငံရေး ခိုလှုံခွင့်ကို ၂၀၀၉ နှစ်လည်မှာ လာလျှောက်တယ်။ ဘာကို စောင့်နေတာလဲ။ နိုင်ငံရေး ခိုလှုံခွင့် ကိစ္စတွေကို သိဖို့အခက်အခဲ ဖြစ်ခဲ့တာလား။ ဒါမှမဟုတ် ရှေ့နေရှာဖို့ ခက်ခဲတာလား။
-အမေရိကန်မှာ ခင်ဗျားရဲတွေနဲ့ အဆက်အဆံရှိသလား။
-ခင်ဗျား လက်နက် သင်တန်း တက်ဖူးသလား။ ခင်ဗျား သေနတ်ကိုင်ဖူးသလား။ သေနတ်ပစ်ဖူးသလား။
တခြား ဘာပြောစရာ ရှိသေးသလား။ ရှိတယ်လား။ ဘာလဲ။
ဟုတ်ပြီး တခြား ဘာပြောစရာ ရှိသေးတာလဲ။

ညာနေတယ်ဆိုတာကို တရားသူကြီး ဘယ်လိုသိသလဲ။

Mitondo v. Mukasey ရဲ့ တရားရုံးအမှုမှာတော့ လူလိမ်တယောက်ဟာ အသေးစိတ်အချက်တွေ အများကြီးကို မပြောဖို့ အလားအလာ ရှိပါတယ်တဲ့။ အချက်အလက်အပိုတွေ အများကြီး ပေးလေလေ နောက်ပိုင်းမှာ အဲဒီအချက်အလက်တွေ တချို့ဟာ မဟုတ်ဘူးဆိုတာကို ဖြစ်စေဖို့ အခွင့်အလမ်းများပါတယ်။ အဲဒါကြောင့် လူလိမ်ဟာ နည်းနည်းပဲ ပြောမယ်၊ အသေးစိတ်အချက်အလက်ကို နည်းနည်းပဲ ပြောမယ်။

လူလိမ်တွေဟာ သူတို့ လိမ်ထားတာတွေနဲ့ တက်နိုင်သမျှ စိတ်ထဲမှာ ခွဲခြားထားလေ့ရှိပါတယ်။ အဲဒါကြောင့် သူတို့အကြောင်းတွေရယ်၊ သူတို့ ခံစားချက်တွေကို အဲဒီ လိမ်ညာထားတာတွေထဲမှာ ထည့်ပြောလေ့ မရှိပါဘူး။

လူလိမ်တယောက်က “ရဲက ငါ့ကို ရိုက်နှက်တယ်”လို့ ပြောမယ်။ အမှန်တကယ် လူဆိုရင်တော့ “ဒီရဲက ငါ့ အထက်တန်းကြောင်းက သင်္ချာဆရာနဲ့တူတယ်။ သူ့ရဲ့ နပတ်ဒုတ်ကို ဆွဲထုတ်လိုက်တော့ ငါ့ကိုတော့ ရိုက်ပြီဆိုတာကို သိလိုက်တယ်။ ဒါဆိုရင် င့ါမျက်မှန်တော့ ကွဲပြီ။ သူရိုက်လိုက်တော့ ငါ့လည်ပင်းတွေမှာ သွေးတွေစီးလာတာကို ခံစားရတယ်။ ခေါင်းတွေ မူးလာတယ်။ ငါ့မျက်စိကို မရိုက်မိပါစေနဲ့လို့ပဲ ဆုတောင်းမိတယ်။”

ခင်များစိတ်ထဲမှာ ဘာတွေ ဖြစ်သွားသလဲ (ရဲက ခင်ဗျားအခန်းထဲကို ၀င်လာတော့) ဆိုတဲ့မေးခွန်းဟာ အမှန်တကယ်ဖြစ်ခဲ့သူတွေအတွက် ဖြေဖို့ရာ လွယ်ကူပါတယ်။

အမှန်တကယ်ပြောသူတွေမှာလည်း မမှတ်မိတတ်တာတွေ ရှိပါတယ်။ သူတို့လည်း တချို့ အသေးစိတ်အချို့တွေကို မေ့တာ ရှိပါတယ်။ မေ့သွားတယ်ဆိုတာကိုလည်း ၀န်ခံဖို့ ၀န်မလေးပါဘူး။ လူလိမ်တွေကတော့ သူတို့ရဲ့ မဟာ မှတ်ဥာဏ်ကို အစွမ်းပြပါတယ်။ သူတို့ အသေးဆုံး အချက်အလက်တွေကိုလည်း မှတ်မိတယ်လို့ ဆိုပါတယ်။

ကန်မရွန်း နိုင်ငံက SCNC အဖွဲ့ဝင် နိုင်ငံရေး လှုပ်ရှားသူ တဦး

နိုင်ငံရေး ခိုလှုံခွင့်အရာရှိက မေးတဲ့ မေးခွန်းတွေကတော့
ခင်ဗျား တိုင်းပြည်က ဘယ်လို စီစဉ်ပြီး ထွက်လာခဲ့တာလဲ။ ခရီးသွားလက်မှတ်၊ ဗီဇာ၊ နဲ့ လေယာဉ်လက်မှတ်တွေ လိုတယ်။ အဲဒါတွေ တခုချင်းစီကို ဘယ်လိုလုပ် ရအောင် ယူခဲ့သလဲ။ ကိုယ်တိုင် ရအောင် လုပ်ထားတာလား၊ တယောက်ယောက်က လုပ်ပေးတာလား။
ရဦးဒေးမြို့က အမေရိကန် သံရုံးမှာ အင်တာဗျူးရအောင် ဘယ်သူလုပ်သလဲ။
ဘယ်သူက မေးခွန်းတွေကို ဖြေသလဲ။
ခင်ဗျား ခရီးသွားလက်မှတ်ကို ဘယ်သူထုတ်ပေးခဲ့တာလဲ။ ဘယ်တုန်းကလဲ။ ဘယ်လိုထုတ်ခဲ့တာလဲ။

အမေရိကားက လှုပ်ရှားမှုများ
ခင်ဗျားမှာ နိုင်ငံရေး ခံယူချက် ပြင်းပြင်းထန်ထန် ရှိတာလား။ အရမ်း ပြင်းထန်လွန်းလို့ ခင်ဗျား အစိုးရက ခင်ဗျားကို မုန်းတဲ့အထိပဲလား။ အဲဒါဆို အမေရိကန် ရောက်တော့ ခင်ဗျားရဲ့ လှုပ်ရှားမှုတွေကို ဆက်လုပ်တာလား။ ဘာဖြစ်လို့ မလုပ်တာလဲ။ ခင်ဗျား ရဲ့ အမေရိကန်မှာ လှုပ်ရှားမှုတွေ အားလုံးကို ခင်ဗျားအစိုးရက သိနေတာလား။ သူတို့ သိတယ်ဆိုတာကို ခင်ဗျား ဘယ်လိုလုပ် သိတုန်း။ ခင်ဗျား အမေရိကန်မှာ လှုပ်ရှားနေတယ်ဆိုတာကို ခင်ဗျားအစိုးရက အရေးစိုက်လို့လား။ ဘယ်လိုလုပ်သိတုန်း။ ခင်ဗျား ပြန်ဖို့ လန့်နေတာလား။ ဘာဖြစ်လို့လဲ။ ခင်ဗျား အမေရိကန် ရောက်ကတည်းက ခင်ဗျား မိသားစုကို ခင်ဗျားအစိုးရ က အဆက်အသွယ် လုပ်သလား။ ခင်ဗျား ပြောချင်တာ ရှိသေးလား။ အို … ခင်ဗျား အဖေဆီက စာတစောင် ရောက်လာတာလား။ ဘယ်မှာတုန်း ဒီစာနဲ့ အတူပါလာတဲ့ စာအိတ်က။ ဘာတွေ ရှိသေးသလဲ။ ခင်ဗျားရဲ့ အကျဉ်းစခန်းပုံကို ဘာဖြစ်လို့ ပုံဆွဲထားတာလဲ။

နိုင်ငံရေး ခိုလှုံခွင့် အရာရှိက မမောနိုင်အောင် မေးခွန်းတွေ မေးပါတယ်။

ခင်ဗျား ၂၀၀၀၈ မေမှာ ဆန္ဒပြခဲ့တယ်ဆို။ လူတွေ ရပ်နေတာလား၊ ထိုင်နေတာလား။ စကားပြောနေကြတာလား။ လမ်းလျှောက်နေကြတာလား။ခင်ဗျားဘာတွေ တွေ့သလဲ။ ဘာတွေကြားသလဲ။ ခင်ဗျားကို လာဖမ်းတဲ့အချိန်မှာ ခင်ဗျားက ဘယ်မှာလဲ။ အိမ်အောက်ခန်းက ထိုင်ခုံမှာ ထိုင်နေတလား။ အခန်းထဲက ကုတင်ပေါ်မှာ လှဲနေတာလား။ လမ်းမတခုပေါ်မှာ လမ်းလျှောက်နေတာလား။ ခင်ဗျားကို အရာရှိက ထိလိုက်တဲ့အခါမှာ သူက ဘာပြောသလဲ။ ဘာစကားနဲ့ ပြောတာလဲ။ သူမှာ လက်နက်တခုခု ရှိသလား။ ဘာလက်နက်ကို ခင်ဗျားမြင်လိုက်တာလဲ။ သူက ခင်ဗျားကို ဘာလက်နက်နဲ့ အသုံးပြုခဲ့တာလဲ။ ခင်ဗျားကို ဘာကြောင့် ဖမ်းခဲ့တာလဲ။ သူက ဘာဖြစ်လို့ ရိုက်တာလဲ။ ထောင်ထဲမှာ ခင်ဗျားကို ဘယ်လို ဆက်ဆံကြသလဲ။ အသက်ကြီးတဲ့ အစောင့်တွေက ခပ်ငယ်ငယ် အစောင့်တွေလောက် ခင်ဗျားကို မရိုက်နိုင်ဘူး ဟုတ်လား။ ခင်ဗျား စိတ်ပိုင်းဆိုင်ရာရော နာကျင်ခဲ့ရသလား၊ ထောင်အစောင့်က ခင်ဗျားရဲ့ ထောင် အခန်းထဲကို နပတ်ဒုတ်ကိုင်ပြီး ၀င်လာတော့ ခင်ဗျား စိတ်ထဲမှာ ဘာတွေ ဖြစ်သွားသလဲ။ ခင်ဗျား ဘယ်လို လွတ်လာတာလဲ။ ခင်ဗျားထောင်က ထွက်လာတော့ ဘယ်စကားတွေ ပြောခဲ့ရသလဲ။ ခင်ဗျား လွတ်လာပြီး ဘယ်ကို သွားသလဲ။ ဘာနဲ့ သွားတာလဲ။ ဘက်စကားနဲ့လား၊ လမ်းလျှောက်လား။ခင်ဗျားပြောတော့ ထောင်ထဲမှာ ရက်ရက်စက်စက် ရိုက်ခံခဲ့ရတယ်ဆို၊ ဘာဖြစ်လို့ ကန်မရွန်းမှာရှိတဲ့ ဆရာဝန်တယောက်ယောက်နဲ့ သွားမတွေ့တာလဲ။ ဘာဖြစ်လို့ အမေရိကန်မှာရော ဆရာဝန်နဲ့ သွားမတွေ့တာလဲ။ ခင်ဗျားကို ဘာဖြစ်လို့ ထောင်ချတာလဲ။ တယောက်ယောက်က ခင်ဗျားကို ဘာလို့ ဖမ်းသလဲဆိုတာ ပြောသလား။

SCNCဆိုတာကို ဘယ်တုန်းက ပထမဆုံးအကြိမ် လေ့လာမိတာလဲ။ ခင်ဗျား ထောက်ခံခဲ့တာလား။ ဘာဖြစ်လို့လဲ။ SCNCက တရားဝင်လား။ ကန်မရွန်းမှာ SCNCရဲ့ ရုံးတွေ ရှိတာလား။ ဘယ်မှာလဲ။ ရုံးမရှိဘဲနဲ့ ကိစ္စတွေကို ဘယ်လိုများ လုပ်သတုန်း။ SCNCမှာ အလံရှိသလား။ ခင်ဗျား ဆွဲပြနိုင်မလား။

တရားရုံး မသွားခင်မှာ ကိုယ့် လျှောက်လွှာပါ အချက်တွေကို ဖတ်ထား

တိုဂို လို့ခေါ်တဲ့ နိုင်ငံက မစ္စတာ တယောက်ကို နိုင်ငံရေး ခိုလှုံခွင့် မပေးပါဘူး။ အကြောင်းကတော့ သူ့ရဲ့ လျှောက်လွှာပါ အချက်တွေကို ပြန်မပြောပြနိုင်လို့ပါပဲ။

သူရဲ့ ခိုလှုံခွင့် လျှောက်လွှာထဲမှာက သူဟာ ကားတစီးပေါ်ကို ဆွဲခေါ်ခံခဲ့ရတယ်လို့ ဆိုပါတယ်။ တရားရုံးမှာကျတော့ ဒရပ်ကား တစီးပေါ်ကို ဆွဲတင်ခံရတယ်လို့ ဆိုပါတယ်။ ပြီးတော့ လျှောက်လွှာထဲမှာ ရဲကလာတဲ့အချိန် သူထွက်ပြေးခဲ့တယ်လို့ ဆိုပါတယ်။ တရားရုံးမှာကျတော့ သူ့ကို တိုက်ပြီး ဖမ်းခဲ့တယ်လို့ ဆိုပြန်ရော။ နောက်ပြီး ဆေးရုံမှာ ၂ရက်နေခဲ့ရတယ်လို့ လျှောက်လွှာမှာ ရေးထားတယ်။ တရားရုံးမှာတော့ ၃ ပတ် နေခဲ့ရတယ်တဲ့။

တရားရုံးမှာ အစိုးရ ရှေ့နေက မစ္စတာ ခင်ဗျား ကိုယ့်ရဲ့ လျှောက်လွှာကိုမှ ကိုယ်ဖတ်ခဲ့ရလားလို့ မေးပါတယ်။ ခင်ဗျား အကြောင်း ကျုပ် က ပိုသိနေတယ်လားတဲ့ပါ ခင်ဗျား။

ရုရှားက လူမဲ အမှု နောက်ဆက်တွဲ

ဘယ်သူက ခင်ဗျားကို ဘာလို့ ရိုက်တာလဲ။ ဘယ်သူက ခင်ဗျားအိမ်ကို ဓားပြလာတိုက်တာလဲ။ ဘာဖြစ်လို့လဲ။ ယူရီ ကို ရိုက်တယ်။ ဘယ်သူက ရိုက်တာလဲ။ ဘာဖြစ်လို့လဲ။


အစိုးရ ရှေ့နေက နောက်ဆုံး တရားသူကြီးထံ အပြီးသတ် လျှောက်လဲချက်

သူဟာ အနည်းငယ်သာ ညှင်းပန်းနှိပ်စက်ခံရတာဖြစ်ပါတယ်။ ကိုယ်ထိလက်ရောက် အစော်ကားမခံရဘူး၊ အရိုက်မခံရဘူး၊ ဆေးရုံ စရိတ်မရှိခဲ့ပါဘူး။ သူဟာ နှလုံးသားကိုရော၊ စိတ်ပိုင်းအရရောပါ အနှိပ်စက်ခံရတယ်လို့ ပြောပေမဲ့၊ အဲဒါတွေအတွက် စိတ်ရောဂါကု ဆရာဝန်ကို တခါမှ သွားမပြခဲ့ရဘူးလို့လည်း ပြောပါတယ်။ သူဟာ အလုပ်လုပ်နိုင်ခဲ့တယ်။ ကျောင်းသွားနိုင်ခဲ့တယ်။ အိမ်ငှားနေနိုင်ခဲ့တယ်။ ခရီးသွားနိုင်ခဲ့တယ်။ သူရဲ့ သူငယ်ချင်းဟာလည်း မုခင်းတခုမှာ ဒုက္ခရောက်ခဲ့ရတယ်ဆိုပေမဲ့ ရဲကို သတင်းမပို့ခဲ့ပါဘူး။
သတင်းပေးပို့ဖို့ ပျက်ကွက်တာဟာ အရေးကြီးပါတယ်။ ရဲကိုမှ သတင်းမပို့ခဲ့ရင်၊ ဘယ်လိုလုပ် သူတို့ကို ကူညီလို့ ရမလဲ။ သူရဲ့ အစိုးရက သူ့ကို မမုန်းပါဘူး။ အစိုးရက သူ့ကို ခရီးသွားလက်မှတ် ထုတ်ပေးတယ်။ ခရီးသွားလာခွင့်ပြုတယ်။ တိုင်းပြည်ထဲကို ပြန်ဝင်လာခွင့်လဲ ပေးခဲ့တယ်။ ဒါတွေဟာ အစိုးရက သူ့ကို မမုန်းဘူးဆိုတာကို ပြနေတာပါ။ တိုင်းပြည်ကနေ ထွက်လာပြီးမှ သူက အန္တရယ် ရှိပါတယ် ပြောတယ်။ ပြီးတော့လဲ ပြန်သွားတာပဲ။ ဒါဟာ သူ့ရဲ့ တိုင်းပြည်က အန္တရယ်မရှိပါဘူးလို့ ပြောနေတာပါ။ ဘယ်လိုလူက အန္တရယ်ရှိတဲ့ တိုင်းပြည်ကို စိတ်တိုင်းကျ ပြန်ချင်မှာလဲ။

ရုရှားက လူမဲ အမေရိကန်မှာ ခိုလှုံခွင့် လျှောက်

အစိုးရ ရှေ့နေက အသားအရောင် အမဲရှိတဲ့ မစ္စက် အေ နိုင်ငံရေး ခိုလှုံခွင့် လျှောက်တဲ့အခါ အခုလို မေးခွန်းတွေ မေးပါတယ်။
• ခင်ဗျားရဲ့ နိုင်ငံခြား ခရီးစဉ် အားလုံး အကြောင်းကို ပြောပြဦး၊ ဘာဖြစ်လို့ သွားတာလဲ၊ ဘာဖြစ်လို့ တိုင်းပြည်ကို စွန့်ခွာခဲ့တာလဲ။
• ခင်ဗျား အာမေးနီးယားကို သွားခဲ့တယ်။ ဘယ်တုန်းကလဲ၊ ဘာဖြစ်လို့ သွားတာလဲ။ ဘာဖြစ်လို့ အာမေးနီးယားကနေ ပြန်ထွက်လာရတာလဲ။ ဘာဖြစ်လို့ အာမေးနီးယားမှာ နိုင်ငံရေး ခိုလှုံခွင့် မလျှောက်တာလဲ။ အာမေးနီးယား ပြီးတော့ ရုရှားကို ပြန်သွားတယ် ဟုတ်လား။ ခင်ဗျားက အန္တရာယ် ရှိပါတယ်လို့ ပြောနေတဲ့ ရုရှားကို လိုလိုလားလား ပြန်သွားခဲ့တယ် ဟုတ်လား။ ခင်ဗျား အဲဒီကို ပြန်သွားတယ်ဆိုကတည်းကိုက ကျူပ်အထင် သိပ် အန္တရယ် မရှိဘူးထင်တယ်။ ဟုတ်တယ် မဟုတ်လား။
• ဒါမှ မဟုတ် ခင်ဗျားမှာ ရွေးချယ်စရာမရှိလို့ အဲဒီကို သတိထား ပြန်ခဲ့ရတာလား။
• ခင်ဗျား ရုရှားမှာ ၆နှစ်လောက် နေခဲ့တယ် ဟုတ်လား။ အဲဒီအချိန်တွေမှာ ဘယ်လို ညှင်းပန်းနှိပ်စက်မှုကိုမှ မခံခဲ့ရဘူးလား။ ခင်ဗျားရဲ့ အိမ်တို့၊ ကားတို့၊ ဘုရားရှိခိုးကျောင်းတို့ရော။
• ခင်ဗျား အလုပ်လုပ်နိုင်ခဲ့တယ်လား။ ခင်ဗျား အလုပ် တခု ရှိခဲ့တယ်လား။ ခင်ဗျား အလုပ်ရှင်က ခင်ဗျားကို ခင်ခင်မင်မင်ပဲလား။ ခင်ဗျားရဲ့ စီးပွားရေး ဘာမှ မထိခိုက်ခဲ့ဘူးပေါ့။
• ရှရှား တယောက်က ခင်ဗျားကို သတ်မယ်ဆိုပြီး ခင်ဗျားပြောခဲ့တယ် မဟုတ်လား။ အဲဒါကို ခင်ဗျား ရဲ မတိုင်ခဲ့ဘူးလား။ အဲဒီလို ကိစ္စကို ရဲဆီ သတင်းပေးတာဟာ အချိန်ကုန်တာပဲလို့ ဘယ်သူ ပြောသလဲ။
• ခင်ဗျား အမေ၊ အဖေ၊ ညီအစ်ကို မောင်နှမ အားလုံး ရုရှားမှာ အခုချိန်ထိ နေနေတုန်းပဲလား။ သူတို့တွေထဲက တယောက်တောင်မှာ ကိုယ်ထိလက်ရော နှိပ်စက် မခံရဘူးလား။ တယောက်မှ မခံရဘူး၊ ဟုတ်လား။ ခင်ဗျား သူတို့နဲ့ ဘာလို့ သွားမနေရတာလဲ။ သူတို့မှာ အန္တရာယ် ကင်းကင်း ဘယ်လို နေရမလဲ နည်းလမ်းရှိလို့ပေါ့။
• ခင်ဗျား အစ်ကို က ကြောက်စိတ်နဲ့ပဲ နေနေရတယ်လို့ ခင်ဗျားက ပြောတယ်။ ညဆို ကြောက်လို့ သူက အပြင်မထွက်ဘူး။ သူက ရုရှားကနေ တခြားတိုင်းပြည်ကို ထွက်သွားဖို့ ငွေတို့ ဗီဇာတို့ မရှိလို့ ထွက်မသွားတာလား။ ဒါပေမဲ့ သူ တိုင်ပြည်ကနေ အရမ်းကို ထွက်သွားချင်တယ်လား။
• ခင်ဗျားကို အလုပ်ဖြုတ်ပစ်လိုက်တယ်လို့ ခင်ဗျားပြောတယ်။ ဒါပေမဲ့ ခိုလှုံခွင့် လျှောက်လွှာထဲမှာ ခင်ဗျားက အလုပ်ကို ထွက်ပစ်တာလို့ ပြောထားတယ်။ ပြီးတော့ ခင်ဗျားရဲ့ အစ်ကိုက စိတ်ပိုင်းဆိုင်ရာ ညှင်းပန်းနှိပ်စက်ခံရတယ်လို့လည်း လျှောက်လွှာမှာ မဖော်ပြထားဘူး။ ဘာဖြစ်လို့ အခု တရားရုံးမှာမှ ပြောပြီး လျှောက်လွှာထဲမှာ မပြောထားရတာလဲ။ ခင်ဗျားရဲ့ လျှောက်လွှာကို ဘယ်တုန်းက နောက်ဆုံး ဖတ်ထားသလဲ။ ခင်ဗျားရဲ့ လျှောက်လွှာမှာ ရေးထားတာကို ကျုပ်က ခင်ဗျားထက် ပိုသိနေတာလား။

• ခင်ဗျား ရုရှား က အပြင်ထွက် ခရီးသွားခဲ့တာလား။ ဘယ်ကို သွားခဲ့တာလဲ။ ဘယ်ဖြစ်လို့လဲ။ ခင်ဗျား ရုရှားက အထွက်မှာ ပြဿနာ ရှိခဲ့သလား။ တကယ်လို့ ရုရှားကသာ ခင်ဗျားကို မုန်းတယ်ဆိုရင် ဘာဖြစ်လို့ သူတို့က ခင်ဗျားကို တိုင်းပြည်ကနေ ထွက်သွားခွင့် ပေးမှာလဲ။
• ခင်ဗျားရဲ့ တိုင်းပြည်က အန္တရယ်ရှိတယ်ဆို။ ဘယ်ဖြစ်လို့ ခင်ဗျားတိုင်းပြည်ကို စိတ်တိုင်းကျ ပြန်သွားရတာလဲ။ ခင်ဗျား စိတ်နဲ့ ခင်ဗျားပြန်တော့ အဲဒါဟာ ခင်ဗျားတိုင်းပြည်မှာ အန္တရယ်မရှိဘူးလို့ မပြနေဘူးလား။ ဒါမှမဟုတ် ခင်ဗျားမှာ ပြန်ရမယ့် အကြောင်းအရင်း ခိုင်ခိုင်လုံလုံ ရှိခဲ့လို့လား။
• ခင်ဗျားသမီးက ပြင်သစ်မှာ နေနေတာလဲ။ ခင်ဗျားကို မခေါ်ပေးနိုင်ဘူးလား။ အဲဒါဆိုရင် ခင်ဗျား ပြင်သစ်မှာ နေထိုင်ခွင့် ရနိုင်တာပေါ့။
• ညှင်းပန်းနှိပ်စက်မှု အမျိုးစုံ ရှိတယ် သိလား။ ကိုယ်ထိလက်ရောက် ခံစားရတယ်ဆိုတာ တခုပေါ့။ နောက်တခုက စိတ်ပိုင်းဆိုင်ရာပေါ့။ ခင်ဗျားက စိတ်ရော၊ နှလုံးရော ထိခိုက်ခံစားခဲ့ရတာလား။ ခင်ဗျား စီးပွားရေး အရရော ထိခိုက်ခံခဲ့ရသလား။ အလုပ် တခုမှ မရနိုင်တာမျိုးလိုပေါ့။
• မော်စကို မြို့ကြီးမှာ နေခဲ့တာလား။ အဲဒီမှာ ပြဿနာတွေ ဖြစ်ခဲ့တာဆိုတော့ ဘာဖြစ်လို့ တခြားမြို့တွေ ပြောင်းမနေခဲ့တာလဲ။ စတာလင်ဂရက်မြို့တို့၊ လီနင်ဂရက်တို့မှာပေါ့။

• ခင်ဗျားကို လမ်းမမှာ တိုက်ခိုက်တယ်လို့ ဆိုတယ်။ ခင်ဗျား ရဲ တိုင်ခဲ့သလား။ ဘာလို့ မတိုင်တာလဲ။ ရဲတွေက ခင်ဗျား အနှိပ်စက်ခံနေရတာကို ဂရုမစိုက်ဘူးလား။ ဘာဖြစ်လို့ အဲဒီလို ထင်ရတာလဲ။

ခင်ဗျား အနှိပ်စက်ခံရသလား

ခန္ဓာကိုယ် နှိပ်စက်ခံရခြင်း


၁။ ခင်ဗျား ခန္ဓာကိုယ်မှာ ဘယ်လို ထိခိုက်မှုမျိုးပဲဖြစ်ဖြစ် ခံစားခဲ့ရပါသလဲ။
၂။ ခင်ဗျားရဲ့ အိမ်ခြံမြေ၊ အိုးအိမ်၊ ပရိဘောဂ၊ ရုံးခန်း၊ ဘုရားကျောင်းကန် ကား၊ ဒါမှမဟုတ် တခုခုများ ထိခိုက်ခံခဲ့ရပါသလား။ တယောက်ယောက်က ခင်ဗျား ပြတင်းပေါက်ကို ခဲနဲ့ ပေါက်တာမျိုးတို့ပေါ့။
၃။ ခင်ဗျားကို ထောင်ချဖူးသလား။

စိတ်ပိုင်းဆိုင်ရာ နှိပ်စက်ခံရခြင်း

၎။ တယောက်ယောက်က ခင်ဗျားကို ခြိမ်းခြောက်ဖူးသလား။ ခင်ဗျားကို အနာဂတ်မှာ နှိပ်စက်မယ်လို့ ခြိမ်းခြောက်သလား။
၅။ ခင်ဗျား စိတ်ထိခိုက်ခဲ့ရသလား။ ခင်ဗျား ကြောက်နေခဲ့ရသလား။ ရတတ်မအေးဖြစ်ခဲ့ရသလား။ စိတ်ပူခဲ့ရသလား။ အိပ်မက်ဆိုးတွေ မက်သလား။ အတိတ်ကို ပြန်ရောက်သွားတာတွေ ဖြစ်သလား။
၆။ ခင်ဗျား မိသားစုဝင်တွေရော နှိပ်စက်ခံရသလား။ ခင်ဗျား ဘယ်လို ခံစားရသလဲ။
၇။ ခင်ဗျားရဲ့ လက်ရှိ စိတ် အခြေအနေနဲ့ အရင်က စိတ်အခြေအနေကို နှိုင်းယှဉ်တဲ့အခါ ဘယ်လို တွေ့ရသလဲ။

စီးပွားရေး အရ ထိခိုက်ခံစားရခြင်း

၈။ ခင်ဗျား အလုပ်ပြုတ်ခဲ့သလား။ ခင်ဗျား အလုပ်လျှောက်တဲ့အခါ မတရားသဖြင့် အငြင်းခံခဲ့ရသလား။
၉။ ခင်ဗျားဆီကနေ ပိုင်ဆိုင်မှုတွေကို သိမ်းယူသွားတာမျိုးရှိသလား။
၁၀။ ခင်ဗျားကို ဒဏ်ငွေ ကြီးကြီး ပေးဆောင်ဖို့ အမိန့်ထုတ်ခဲ့သလား။
၁၁။ ခင်ဗျားကို ကျန်းမာရေး၊ ပညာရေးနဲ့ လူမှု ၀န်ဆောင်မှုတွေအတွက် ငြင်းပယ်ခဲ့သလား။
၁၂။ လိုင်စင်တို့၊ နိုင်ငံကူး လက်မှတ်တို့၊ အာမခံတို့ ရော အသိမ်းခံရသလား။

လူမှုရေးအရ ထိခိုက်ခံစားရခြင်း

၁၃။ ခင်ဗျားရဲ့ ကိုယ်ရေး ကိုယ်တာ ကိစ္စတွေကို ၀င်ရောက် စွက်ဖက်တာတွေ ရှိသလား။
၁၄။ ခင်ဗျားကို ဒုက္ခသည် စခန်းထဲကို ပို့ပစ်သလား။
၁၅။ ခင်ဗျားကို အလုပ်မပေးတာတို့၊ ကျောင်းဝင်ခွင့်မပေးတာတို့ ရှိသလား။
၁၆။ လူမှုဝန်ထမ်းကိစ္စတွေမှာ မပါဝင်ဖို့ ပြောဆိုထားတာမျိုးရှိသလား။
၁၇။ ခင်ဗျားကို စောင့်ကြည့်နေသလား။ ရဲက ခင်ဗျားကို ခဏခဏ ခေါ်မေးမြန်းတာတွေ ရှိသလား။
၁၈။ ခင်ဗျားကို သူလျှို အတင်း လုပ်ခိုင်းသလား။
၁၉။ ခင်ဗျားရဲ့ လွတ်လပ်ခွင့် ရုတ်သိမ်းခံရသလား။
၂၀။ ခင်ဗျားကို ထုတ်ပယ် နှိမ်ကျင်ထားသလား။
၂၁။ ခင်ဗျား ဘာသာရေး ကိုးကွယ်မှုကို ပိတ်ပင်တာမျိုး ရှိသလား။
၂၂။ ခင်ဗျား လမ်းပေါ်မှာ လမ်းလျှောက်တဲ့အချိန်၊ ဘက်စကား စီးတဲ့အချိန်တို့မှာ နှုတ်နဲ့ ရိုင်းရိုင်းပြပြ စော်ကားတာမျိုး ရှိသလား။
၂၃။ ခင်ဗျားရဲ့ အဖွဲ့နဲ့ ပတ်သက်ပြီး သတင်းစာထဲတို့၊ လမ်းဘေး နံရံတွေမှာ ဆန့်ကျင်တဲ့ အရေးအသားတွေ၊ အပြုအမူတွေ ရှိသလား။
၂၄။ ခင်ဗျားကို ဘယ်လိုနည်းနဲ့ပဲ ဖြစ်ဖြစ် မတရား ဆက်ဆံတာ ရှိသလား။

အင်ဒိုနီရှားက ခရစ်ယာန် တယောက်ကို လူဝင်မှု ကြီးကြပ်ရေး တရားသူကြီး က မေးတဲ့ မေးခွန်းများ

ခင်ဗျား တိုင်းပြည်က ထွက်လာတုန်းက လေဆိပ်မှာ ဘာတွေ ဖြစ်ခဲ့သေးသလဲ။ ခင်ဗျား အမေနဲ့ အဖေ အကြောင်းကို ပြောပြပါဦး။ သူတို့တွေက ခရစ်ယာန်တွေလား။ ခင်ဗျားနေတဲ့ အိမ်မှာပဲ နေနေတာလဲ။ ဘုရားကျောင်း သွားတာလဲ ခင်ဗျားသွားတဲ့ကျောင်းပဲလား။ သူတို့ကျတော့ ဘာမှ မထိခိုက်ဘူးပေါ့။ ခင်ဗျားပြောတော့ သူတို့ကို ဘယ်သူမှာ မနှိပ်စက်ဘူးပြောတယ်။ ဒါပေမယ့် စိတ်ဒုက္ခ အပေးခံရတယ်လား။ ဘယ်လို စိတ်ထိခိုက်အောင် လုပ်သလဲ။ ဘာကို ဆိုလိုတာလဲ။ ဘာလဲ စိတ်ထိခိုက်အောင် လုပ်တယ်ဆိုတာ။

ခင်ဗျားတိုင်းပြည်က အမေရိကန် သံရုံးကနေ ပြည်ဝင်ခွင့် ဗီဇာရခဲ့တာလား။ ခင်ဗျားတိုင်းပြည် ဘယ်လို ထွက်လာခဲ့တာလဲ။ လောလောဆယ်ကမှ နိုင်ငံခြားရေး ဌာနက ထုတ်ထားတဲ့ ကြေညာချက်ရဲ့ စာမျက်နှာ ၁၇မှာ ရဲတွေက ဘုရားကျောင်းတွေကို အကာအကွယ်ပေးတယ်လို့ ရေးမထားဘူးလား။ စာမျက်နှာ ၁၈မှာလဲ ခရစ်ယာန်တွေအပေါ် အကြမ်းဖက်တဲ့ အမှု အရည်အတွက် ဆက်ပြီး လျော့ကျနေတယ်လို့ ရေးမထားဘူးလား။ ကျုပ်ရော၊ အစိုးရ ရှေ့နေရော၊ ခင်ဗျားရဲ့ ကိုယ်ပိုင် ရှေ့နေရော ဖတ်ထးပြီးပြီ၊ ခင်ဗျားက မဖတ်ရသေးဘူးလား။ အခု တရားရုံးထဲမှာ ရှိတဲ့ လူအားလုံးနဲ့ ခင်ဗျားက ဆန့်ကျင်တယ် ဆိုတဲ့ သဘောလား။ မျက်မြင်သက်သေ ၂၄ ယောက်ကို ရအောင် ဘယ်လို လုပ်ပြီး ခေါ်လာနိုင်ခဲ့တာလဲ။

အစိုးရတွေဟာ သံရုံးရှေ့ ဆန္ဒပြတာကို အရေးစိုက်တယ်လို့ တရားသူကြီးက မယုံကြည်ပါဘူး

ဒန်ခန် ဆိုသူနဲ့ ဂွန်ဇဲလပ် ရဲ့ ၂၀၀၇ စတုထ္ထ အဆင့် တရားရုံးတော် အမှုမှာ ကန်မရွန်းဆိုတဲ့ တိုင်းပြည်က မစ္စက် ဒန်ခန် က ၀ါရှင်တန်ဒီစီမှာရှိတဲ့ သူ့ရဲ့ သံရုံးရှေ့မှာ ဆန္ဒပြခဲ့လို့ သူ့ရဲ့ အစိုးရက သိသွားပြီးတော့ သူ့ကို စိတ်ဆိုးမယ်၊ ပြီးတော့ သူ့ကို ဒဏ်ခတ်မယ်ဆိုတာကို သေသေချာချာ နားလည်ထားခဲ့ပါတယ်။ ဒါပေမယ့် တရားသူကြီးက ခင်ဗျားရဲ့ အစိုးရက ဘာတွေ သိတယ်၊ ဘာလို ထင်သလဲဆိုတာနဲ့ ပတ်သက်ပြီး ခိုင်လှုံတဲ့ အထောက်အထားမရှိပါဘူးလို့ ဆိုပါတယ်။ ဘယ်သူကမှ ခင်ဗျားပြောတာကို ထောက်ခံထားတာမရှိပါဘူး။ သံရုံးထဲက ခင်ဗျားကို ကြည့်နေတယ်ဆိုတာကို ပြတဲ့ ဓာတ်ပုံ တပုံမှ မရှိပါဘူး။ ဘယ်သူကမှ ခင်ဗျား တိုင်းပြည်က ခင်ဗျား အမျိုးသားကိုပဲဖြစ်ဖြစ်၊ ကြက်ခြံထဲက ကြက်ကိုပဲဖြစ်ဖြစ် ဒုက္ခခံပြီး စိတ်မ၀င်စားဘူး။ ဒုက္ခပေးမနေပါဘူး။ ခင်ဗျားက ထင်ပေါ် မကျော်ကြားမနေပါဘူး။ ခင်ဗျားရေဒီယိုတွေမှာ ပြောနေတာမျိုးလဲ မရှိပါဘူး။ ဘယ်သူမှာ ခင်ဗျား ဘယ်သူလဲဆိုတာ မသိဘူး။ ဒါကြောင့် ခင်ဗျား ရှုံးပါတယ်။

မြန်မာ့ ဒီမိုကရေစီ သမား

နိုင်ငံရေးခိုလှုံခွင့်ဆိုင်ရာ အရာရှိမေးတဲ့ မေးခွန်းတွေက

I-589 နိုင်ငံရေး ခိုလှုံခွင့် လျှောက်လွှာရဲ့ ပထမဆုံး စာမျက်နှာပေါ်က ဖြည့်ထားတဲ့ အချက်အလက်တွေကို ပြန်ပြောပြနိုင်မလား။
စာမျက်နှာ ၂ ကိုရော။
ခင်ဗျား လျှောက်လွှာက အချက်အလက်တွေကို ခင်ဗျားရဲ့ ဘာသာစကားနဲ့ တယောက်ယောက်က ပြန်ဖတ်ပြသလား။
နိုင်ငံကူးလက်မှတ် စာအုပ်ကို ပြပါ။ အထဲမှာ ရှိတဲ့ တံဆိပ်တုန်းတွေ တခုချင်း ကြည့်စို့။ ဒီစာအုပ်ကို ဘယ်တုန်းက ထုတ်ပေးလိုက်တာလဲ။ အမေရိကန်က ခင်ဗျားကို ဘယ်တုန်းက ဗီဇာပေးလိုက်တာလဲ။ စာအုပ်ရဲ့ သက်တမ်းက ဘယ်တော့ ကုန်မှာလဲ။ အမေရိကန် ဗီဇာ ထုတ် မပေးခင်နဲ့ ထုတ်ပေးပြီး အချိန်တွေမှာ ပြဿနာတွေများ ရှိခဲ့သလား။ ဒီစာအုပ်ရဖို့ ခက်ခဲခဲ့သလား။ လာဘ်ထိုးခဲ့ရသေးသလား။ ဘယ်လောက် ပေးလိုက်ရသလဲ။ ခင်ဗျား ဂျပန်မှာ ၅နှစ်နေခဲ့တယ်နော်။ အဲဒီတုန်းက ဘာဗီဇာနဲ့ နေတာလဲ။ ဗီဇာ ဘယ်နှစ်ခေါက် သက်တမ်းတိုးခဲ့သလဲ။ အခု အဲဒီမှာ ဘာဖြစ်လို့ သွားမနေတာလဲ။ တခြား ဘယ်နိုင်ငံတွေမှာ နေသေးသလဲ။ အိန္ဒိယတို့ ထိုင်းတို့မှာ နေခဲ့သေးသလား။ အဲဒီမှာနေခဲ့တုန်းက ဘာကြောင့်နိုင်ငံရေး ခိုလှုံခွင့် မလျှောက်ခဲ့တာလဲ။
အမေရိကန် ဗီဇာကို ဘယ်လို ရအောင် လုပ်ခဲ့သလဲ။ ခင်ဗျား တိုင်းပြည်ရဲ့ အမေရိကန် သံရုံးမှာ သံအရာရှိနဲ့ မျက်နှာချင်းဆိုင် စကားပြောခဲ့သလား။ သူက ဘာတွေ မေးသလဲ။ ခင်ဗျားက ဘာတွေ ဖြေခဲ့သလဲ။ ခင်ဗျားသံရုံးကို ညာခဲ့သလား။ ဘာဖြစ်လို့လဲ။ ခင်ဗျားမှာ နိုင်ငံရေး အယူအဆ ရှိသလား။ အဲဒါဘာလဲ။ ဘယ်လောက် ခိုင်မာလဲ။ အဲဒီ အယူအဆက အရင်တုန်းကတည်းကရော၊ အခုရော၊ အမေရိကားမှာ ရှိနေတဲ့ အချိန်မှာရော ရှိတာလား။ မြန်မာပြည်မှာရော၊ ဂျပန်မှာရော၊ အမေရိကားမှာရော ခင်ဗျားက နိုင်ငံရေးကို တက်တက်ကြွကြွ လှုပ်ရှားတဲ့သူလား။ ဘာဖြစ်လို့ မလှုပ်ရှားတာလဲ။ ခင်ဗျားက နိုင်ငံရေး ပါတီဝင်လား။ အဲဒီမှာ ဘာရာထူးလဲ။ ခင်ဗျားက နာမည်ကြီး၊ ထင်ထင်ရှားရှားနဲ့ နံမယ်ဆိုးထွက်နေတဲ့သူလား။ ဘာလုပ်ခဲ့တာလဲ။ ရုံးမှာ ထိုင်ပြီးတော့ တယ်လီဖုန်းခေါ်တဲ့ အလုပ်လား။ လမ်းဘေးမှာ လမ်းလျှောက်ပြီး စာရွက်စာတမ်းတွေ လိုက်ဝေတာလား။ ဗွီဒီယို အရိုက်ခံရလောက်တဲ့အထိ ခင်ဗျားက ဘာတွေ လုပ်လိုက်လို့လဲ။

ခင်ဗျား အစည်းအဝေးတခုကို သွားခဲ့တယ်ဆိုတယ်။ အဲဒါက အခန်း တခန်းထဲမှာ ၀င်ထိုင်တာကို ပြောတာလား။ တခြား ဘာတွေ လုပ်သေးသလဲ။ ခင်ဗျား စကားပြောတာတွေ၊ ဆွေးနွေးတာတွေ၊ ငြင်းခုံတာတွေ လုပ်ခဲ့သလား။ ခင်ဗျားကို ဖမ်းသွားတုန်းက ခင်ဗျားက ဘယ်မှာလဲ။ ဘာတွေ လုပ်နေတာလဲ။ လမ်းပေါ်မှာ လမ်းလျှောက်နေတာလား၊ ထိုင်ခုံတခုမှာ ထိုင်နေတာလား၊ ရေကူးကန်ဘေးမှာ လှဲနေတာလား။ ခင်ဗျားကို ဖမ်းထားတုန်း သူတို့တွေက ဘာတွေ မေးတုန်း။ သူတို့တွေ ဘာကို သိချင်တာလဲ။ သူတို့ ခင်ဗျားကို ချိန်းခြောက်သေးသလား။ ရဲစောင့် က ဘယ်လို စကားတွေ ပြောသလဲ။ သူတို့က ခင်ဗျားကို ဘာဖြစ်လို့ ဖမ်းတာလဲ။ ဘာဖြစ်လို့ ပြန်လွှတ်လိုက်တာလဲ။ ခင်ဗျားကို လွှတ်ပေးတုန်း ပြောတဲ့ စကားတွေက ဘာတွေလဲ။

ခင်ဗျား ထောင်က လွတ်လာပြီး နောက်ပိုင်း ဘာပြဿနာ တက်သေးသလဲ။ ခင်ဗျား ပြဿနာတွေ အားလုံးကို ပြောပြပါဦး။
ထောင်ထဲမှာ ခင်ဗျား ကို နှိပ်စက်သေးသလား။ စိတ် ထိခိုက်အောင်ရော လုပ်သလား။ စီးပွားရေ ထိခိုက်အောင်ရော လုပ်သလား။
ဘုန်းကြီးတွေ ဆန္ဒပြတုန်းက ခင်ဗျား ဘာလုပ်သလဲ။ ဗွီဒီယို ကင်မရာက ခင်ဗျား ဘာလုပ်နေတာကို ရိုက်ထားတာလဲ။ လမ်းဘေးမှာ ရပ်နေတာကိုလား။ ဘုန်းကြီးတွေကို အစားအသောက်လှူနေတာကိုလား။ ပိုက်ဆံပေးနေတာကိုလား။
ခင်ဗျားနဲ့အတူ တခြား သူတွေရော အဖမ်းခံခဲ့ရသေးသလား။ ခင်ဗျားနဲ့ တခြား ဘယ်သူတွေက ထောင်ထဲမှာ အတူတူရှိခဲ့သလဲ။ ထောင်ထဲမှာ သွေးသံတွေ တွေ့ခဲ့သလား။ ခင်ဗျားကို ဘယ်လို မေးခွန်းတွေ ထောင်ထဲမှာ မေးသလဲ။ ခင်ဗျား ထောင်ထဲမှာ နှိပ်စက်ခံခဲ့ရတာမှာ ခန္ဓာကိုယ်ကိုလား၊ စိတ်ပိုင်းဆိုင်ရာကိုလား။ ခင်ဗျားကို အစောင့်တွေက ရိုက်မယ်ပြောတော့ ခင်ဗျား ဘယ်လို ခံစားရသလဲ။ ခင်ဗျား စိတ်ထဲမှာ ဘာတွေ ဖြစ်ကုန်သလဲ။
ခင်ဗျားကို သူတို့က ဘာလို့ လွှတ်ပေးလိုက်တာလဲ။ ခင်ဗျားကို လွှတ်ပေးလိုက်တုန်းက ဘာစကားတွေ ပြောခဲ့ရသလား။ တခြားသူတွေကို ဆက်ပြီး ထောင်ချထားတုန်းပဲလား။ တခြားသူတွေကျတော့ လွှတ်မပေးဘဲနဲ့ ခင်ဗျားကို ဘာလို့ လွှတ်ပေးလိုက်ရတာတုန်း။
ခင်ဗျား ခရီးသွားလက်မှတ်ရယူတုန်းက ဘာအခက်အခဲတွေ ရှိခဲ့သလဲ။
ခင်ဗျားကို အမေရိကန် ဗီဇာ ဘယ်တုန်းက ထုတ်ပေးလိုက်တာလဲ။ ခင်ဗျား ဘယ်တုန်းက အမေရိကန်ကို ထွက်မယ်လို့ စိတ်ဆုံးဖြတ်ခဲ့တာလဲ။
ခင်ဗျားတိုင်းပြည်မှာ ခင်ဗျားက ကိုယ်ပိုင်အိမ်နဲ့လား။ အဲဒီအိမ်မှာ အခု ဘယ်သူတွေ နေသလဲ။ ခင်ဗျားက လုပ်ငန်းလုပ်သလား။ အဲဒီ လုပ်ငန်းကို ဘယ်သူက ဆက်လုပ်နေသတုန်း။ အမေရိကန်မှာ ဘယ်တုန်းက နောက်ဆုံး ဆန္ဒပြခဲ့သလဲ။ အဲဒီတုန်းက ဆန္ဒပြသမားတွေ ဘယ်နှစ်ယောက်ရှိသလဲ။ ခင်ဗျားက ဘာကို ဆန္ဒပြခဲ့တာလဲ။ ခင်ဗျားကို သံရုံးက တယောက်ယောက် ဓာတ်ပုံထွက် ရိုက်သလား။ ဘာလို့ သူတို့က လုပ်တာလဲ။ ဘာကြောင့် နိုင်ငံရေးထဲမှာ ပါလာရတာလဲ။ ခင်ဗျား အမျိုးသမီးက ခင်ဗျားကို စာပို့လိုက်တယ်ဆို၊ ဘယ်မှာလဲ စာအိပ်က။ ဘာဖြစ်လို့ ခင်ဗျားကို ပစ်မှတ်ထား စောင့်ကြည့်နေရတာတုန်း။ ခင်ဗျားရဲ့ အစိုးရက ခင်ဗျားကို အရေးစိုက်လို့လား။ ဘယ်လိုလုပ်သိတုန်း။
ခင်ဗျားလိုမျိုး ဘယ်သူ အနှိပ်စက်ခံရသေးသလဲ။ ခင်ဗျားလို အခြေအနေရှိတဲ့သူတွေ ဘာတွေ ဖြစ်ကုန်သလဲ။ ဆန္ဒပြတဲ့သူပဲ နှိပ်စက်ခံရတာလား။ ခင်ဗျား ဒီမြို့မှာ နေတာလား။ အဲဒီမြို့မှာ ခင်ဗျား ပြဿနာတက်ခဲ့သေးတာလား။ တခြားမြို့ကို ဘာလို့ ပြောင်းမနေသလဲ။ တကယ်လို့ မြို့ တမြို့မှာ ပြောင်းနေခဲ့ရင် ဒုက္ခရောက်ဦးမယ်လို့ ဘယ်သူပြောသလဲ။ ခင်ဗျား ခရီးသွားလက်မှတ်မှာ အထွက်ဗီဇာ ရှိတာလား။ တခြား နိုင်ငံတွေကိုရော သွားခဲ့သေးတာလား။
ဘာလို့ ဓာတ်ပုံတွေ ရိုက်ထားတာလဲ။ ဒီပုံတွေကို ဘယ်သူက ရိုက်ပေးထားတာလဲ။ ခင်ဗျား သူငယ်ချင်းလား။ ဘာလို့ သူတို့က ရိုက်ထားတာလဲ။

Exhibit 3 ( တရားသူကြီးဆီကို ရေးနိုင်သော စာ ဥပမာ)

အမေရိကန် သံရုံး ခင်ဗျား။ ကျွန်တော် အဖေနဲ့ ကျေးဇူးပြုပြီး စကားပြောပါခင်ဗျား။
စက်တင်ဘာ ၁၈ ၂၀၀၈။
Mr. George Maugans, Esq
Office of the Chief Counsel
31 Hopkins plaza, #730 Balt, MD 21201.
မစ္စတာ မော်ဂန် ခင်ဗျား
၁။ ကျွန်တော့် အဖေဟာ ရန်ကုန်မှာ နေတာဖြစ်ပြီး ကျွန်တော့် ကိစ္စ အားလုံးကို သိတဲ့သူဖြစ်ပါတယ်။ ကျွန်တော့်ကိုလည်း ထောက်ခံစာ ရေးပေးထားသူလည်း ဖြစ်ပါတယ်။ ရန်ကုန်မှာ ရှိတဲ့ အမေရိကန် သံရုံးက လူတယောက်ယောက်က ကျွန်တော့်အဖေနဲ့ မျက်နှာချင်းဆိုင် စကား ပြောပေးနိုင်မလား ခင်ဗျား။
ကျွန်တော့် အဖေ လိပ်စာက
ဦး အောင်ဖေ
၁၂၃ ဗိုလ်ချုပ်လမ်း၊
ရန်ကုန်မြို့ ၊ မြန်မာပြည် ဖြစ်ပါတယ်။
သူရဲ့ တယ်လီဖုန်း နံပါတ်ကxxxxxxxxxxx ပါ။
ဒါမှမဟုတ် သူ့ကို ဆက်သွယ်ချင်ရင် xxxxxxxxကို ဆက်သွယ်လို့ ရပါတယ်။
ကျွန်တော့် စာကို ဂရုစိုက်ဖတ်ပေးတဲ့ အတွက် ကျေးဇူးတင်ပါတယ်။
ရိုးသားစွာဖြင့်
ကိုဗအောင်
၁၂၃ ဈေးလမ်း
ငွေရောင် ဆောင်းလွန်၊ မယ်ရီလန်း ပြည်နယ် ၂၀၉၁၀။

ခိုင်လှုံကြောင်း အထောက်အထားတွေ ရဖို့ ဘယ်လောက် ကြိုးစားထားသလဲ

ခရစ်ယာန် ဘာသာ ကိုးကွယ်သူ တယောက်ကို လ၀က တရား ရုံး တရားသူကြီးက နိုင်ငံရေး ခိုလှုံခွင့်ပေးဖို့ ငြင်းပယ်လိုက်ပါတယ်။ ခရစ်ယာန် ဘာသာ ကိုးကွယ်သူက လူဆိုးတွေဟာ ၁) သူ့ရဲ့ လယ်ကို မီးရှို့ခဲ့တယ်၊ ၂) ခင်ပွန်းကို သတ်ခဲ့တယ်။ ၃)သမီးကိုလည်း ရိုက်နှက်ခဲ့တယ်လို့ ဆိုပါတယ်။
တရားသူကြီးက ခင်ဗျား လယ်ပိုင်တယ် ဆိုတဲ့ အထောက်အထားက ဘယ်မှာလဲ။ ဘယ်မှာလည်း မြေဂရမ်။ ဘယ်သူပြောလဲ ခင်ဗျား ပိုင်တယ်လို့။ ဘယ်မှာလည်း မီးရှို့ခံရတယ်ဆိုတဲ့ အထောက်အာထး။ ဘာဖြစ်လို့ ဓာတ်ပုံမရှိတာလဲ။ ဘေးခြံက လူက ဘာဖြစ်လို့ မီးလောင်သွားတဲ့ အကြောင်း ထောက်ခံစာ မရေးပေးနိုင်တာလဲ။

ခင်ဗျား ယောင်္ကျားက အသတ်ခံရတယ်လို့ ခင်ဗျားက ပြောသေးတယ်။ ဘယ်မှာလည်း သေစာရင်း၊ အုပ်ဂူဓာတ်ပုံ၊ သူ့ရဲ့ အလောင်းဓာတ်ပုံ။ အသုဘ အခမ်းအနား။

ခင်ဗျား သမီးလည်း အရိုက်ခံရတယ်ဆိုတယ်။ ဓာတ်ပုံတွေ ဘယ်မှာလဲ။ ဆေးရုံမှတ်တမ်း၊ သမီးဆီက ထောက်ခံစာ။

ခင်းဗျား တိုင်းပြည်က စာတစောင် ရဖို့ ခက်တယ်လို့ ဆိုတယ်။ ခင်ဗျားကို ဘယ်သူပြောသလဲ။ အမေရိကားနဲ့ ခင်းဗျား တိုင်းပြည်ကို ကူးချီသန်းချီ လုပ်နေတဲ့ သူတယောက်မှ မရှိဘူးလား။ သူတို့ထဲက တယောက်ယောက်က ဘာဖြစ်လို့ အဲဒီစာကို မသယ်ပေးနိုင်ရမှာလဲ။ ခင်ဗျားက အထောက်အထားတွေ ရအောင် ကြိုးစား မာန်တက် အားမထုတ်တာလဲ။ ခင်ဗျား ၁နာရီ အချိန်၊ ဒါမှမဟုတ် ဒေါ်လာ ၁၀ဖိုးလောက်တောင် အသုံးချပြီး ကြိုးစားခဲ့ရဲ့လား။

(Exhibit #2) နိုင်ငံရေး ခိုလှုံခွင့် ရချင်သူများ အားလုံးအတွက် မေးလေ့ရှိသော မေးခွန်းများ

၁။ ခရီးသွားလက်မှတ်အကြောင်း

နိုင်ငံခြား ခရီးသွားလက်မှတ် ကို ဘယ်တုန်းက ထုတ်ပေးထားတာလဲ။ ဘယ်တော့ သက်တမ်း ကုန်မှာလည်း။ အထဲမှာ ရှိတဲ့ တံဆိပ်တုန်းတွေရဲ့ အဓိပ္ပါယ်က ဘာလဲ။ ခင်ဗျားရဲ့ နိုင်ငံခြား ခရီးစဉ် အားလုံးကို သိလား။ အမေရိကန် ပြည်ထောင်စုက ခင်ဗျားကို ဘယ်တုန်းက ဗီဇာ ထုတ်ပေးထားတာလဲ။ ဗီဇာရအောင် လုပ်တုန်းက ဘာတွေ ပြောခဲ့သလဲ။ ဘယ်လို မေးခွန်းတွေ အမေးခံခဲ့ရသလဲ။ ဘယ်လို ဖြေခဲ့သလဲ။ ခင်ဗျား ညာခဲ့သလား။ မညာခဲ့ဘူးလား။

၂ မိသားစုဝင်များအကြောင်း

အားလုံး အခု ဘယ်မှာလဲ။ သူတို့ ဘာလုပ်သလဲ။ သူတို့တွေက ထောင်ထဲမှာလား။ ဘာဖြစ်လို့ ထောင်ထဲမှာ မဟုတ်တာလဲ။ ခင်ဗျားရဲ့ ကိစ္စကို ကျွန်တော်တို့ နာရီပေါင်း ၂၀နာရီ အသုံးချပြီး အလုပ်လုပ်မယ်။ ဘယ်လို အသုံးပြုနိုင်ရင် အကျိုးပိုရှိမလဲ။ ခင်ဗျား Winyourasylumcase ဘလောက်က မေးခွန်း အနဲဆုံး ၃ခုလောက်ကို ဖတ်ဖူးသလား။ အနီရောင် စာအုပ်ထဲကရော။ ခင်ဗျား အမေရိကားမှာ အဖွဲ့ ၀င်ဖူးသလား။ ခင်ဗျား အကြောင်းကို တယောက်ယောက်က မြန်မာပြည်ကို ဖုန်းဆက်ပြီး မေးရင် ပြန်ပြောပြ ပေးနိုင်မယ့်သူ ရှိလား။

ကိုယ့်အကြောင်းကို ကိုယ် ၂ခါ ဆက်တိုက် ဘာဖြစ်လို့ ပြန်မပြောနိုင်တာလဲ

မြန်မာပြည်က မစ္စတာ ကေ ဟာ နိုင်ငံရေး ခိုင်လှုံခွင့်လျှောက်ထားတာမှာ အငြင်းခံရပါတယ်။ အကြောင်းကတော့ သူဟာ ကိုယ့်အကြောင်းကို ကိုယ်ပြန်ပြောတာမှာ ရှေ့နောက် မညီညွတ်လို့ပါပဲ။ နိုင်ငံရေးခိုလှုံခွင့် အရာရှိကို ပြောပြတုန်းကတော့ တမျိုး ဖြစ်ပြီး နောက် တရားသူကြီးကို ထပ်ပြောတော့ နောက်တမျိုးဖြစ်နေတယ်။ တရားသူကြီးက မစ္စတာ ကေ နိုင်ငံရေး ခိုလှုံခွင့်အရာရှိကို ဘာတွေ ပြောခဲ့သလဲ ဆိုတာ အတိအကျ သိပါတယ်။ တရားခွင် မတိုင်ခင်မှာ တရားသူကြီးက ခိုလှုံခွင့် အရာရှိရဲ့ မှတ်တမ်းစာစောင်ကို ဖတ်ထားပါတယ်။ မစ္စတာကေကတော့ အဲဒီ မှတ်တမ်းကို ဖတ်ဖို့အတွက် အရမ်းကို အလုပ်ရှုတ်နေခဲ့လို့ ခိုလှုံခွင့်အရာရှိကို ကိုယ်က ဘာတွေ ပြောခဲ့သလဲဆိုတာကိုလည်း မေ့သွားပါတယ်။ ဒါကြောင့် တရားရုံးထဲမှာ အားလုံးက သူရဲ့ ရေရေ ရာရာ မရှိတာတွေ၊ ရှေ့နောက်မညီတာကြီးကို ညည်းညည်းညူညူနဲ့ ထိုင်နားထောင်ရပါတယ်။ တရားသူကြီးရော၊ အစိုးရ ရှေ့နေရော၊ မစ္စတာကေရဲ့ ရှေ့နေပါ အားလုံး ညည်းငွေ့ကုန်ပါတယ်။ အားလုံးက မစ္စတာ ကေရဲ့ အကြောင်းကို မစ္စတာ ကေထက်တောင် ပိုသိနေပါသေးတယ်။ အားလုံးရဲ့စိတ်ထဲမှာ အတွေးတူနေမှာကတော့ ငါတို့ မစ္စတာကေ ကို မစ္စတာ ကေထက်တောင် ပိုသိနေတယ်ပေါ့။ ဒီလူ အူကြောင်ကြောင်နဲ့။ သူ့ရာဇ၀င်ကို သူ ပြန်ဖတ်ဖို့အတွက်များ အလုပ်ရှုတ်နေသလား။ အမေရိကန် သုံးယောက်စလုံးက သူ့အကြောင်းကို သူ့ထက်ပိုသိနေတယ်ဆိုတာကို သူ မရှက်ဘူးလား။ မစ္စတာ ကေရဲ့ ရှေ့နေကတော့ မစ္စတာကေရဲ့ အကြောင်းကို ရှေ့ကနေရော၊ မှတ်စုကို ပြန်မကြည့်ဘဲနဲ့ နောက်ပြန်ရော ၅ခါ ပြန်ပြောနိုင်တယ်။ ဘာဖြစ်လို့ မစ္စတာ ကေ က ပြန်မပြောနိုင်ရတာလဲနော်။

arrest ဆိုတာ အင်္ဂလိပ်လို ဘာလဲ

မစ္စတာ ကေ ကို ဘုရားကျောင်း ဆောက်လုပ်ခွင့် မပေးပါဘူး။ အဲဒါကြောင့် မစ္စတာ ကေ က ၀ူးဝူးဝါးဝါးနဲ့ ပြဿနာ ရှာပါတော့တယ်။ ရလာဒ်ကတော့ လက်နက်ကိုင် အစိုးရ အရာရှိများက မစ္စတာ ကေကို အခန်းငယ်ထဲထည့်ပြီး ထိုးနှက်ပါတော့တယ်။ တနည်းပြောရရင် မစ္စတာ ကေဟာ arrested အဖမ်းခံရတယ်ပေါ့။ အစိုးရ အရာရှိတွေက သူ့ကို အခန်းငယ်ထဲထည့်ပြီး၊ နေခိုင်းတယ်ပေါ့။

တခြား အလားတူ မစ္စတာ ကေ ဟာ အဖမ်းခံရတယ်၊ arrested ဆိုတဲ့ အင်္ဂလိပ် စကားလုံးတွေ အများကြီးရှိပါတယ်။ ဥပမာ detained တို့ imprisoned တို့ jailed တို့ပေါ့။

အစိုးရ အရာရှိဆိုတာ အစိုးရရဲ့ အရာရှိပါပဲ။ ရဲဌာနကပဲ ဖြစ်ဖြစ်၊ စစ်ထောက်လှမ်းရေးကပဲ ဖြစ်ဖြစ်၊ အရေးမကြီးပါဘူး။ သေနတ် တလက် ကိုင်ပြီး မြန်မာ အစိုးရအတွက် အလုပ် လုပ်တယ်ဆိုတာက အရေးကြီးတာပါ။

လက်နက်ကိုင် အစောင့် တယောက် စောင့်နေတဲ့ အခန်း တခန်းထဲ ထည့် သော့ခတ်ပြီး ခင်ဗျားကို ထားတယ် ဆိုတဲ့ ကိစ္စက ဆိုးပါတယ်။ အင်္ဂလိပ်လို jail ဆိုတဲ့ နေရာမှာပဲ ဖြစ်ဖြစ်၊ prisonမှာ ပဲဖြစ်ဖြစ် detention centerမှာပဲ ဖြစ်ဖြစ် correctional facilityမှာ ပဲဖြစ်ဖြစ် ကျွန်တော်တို့ ရှေ့နေများက သိပ်ဂရုစိုက်တာ မဟုတ်ပါဘူး။ အခန်းထဲမှာ ပိတ်ထားခံရတဲ့သူအတွက်က ဘာများ အရေးကြီးသေးလို့လဲ။ အရေးကြီးတာက သူဟာ အဲဒီအခန်းထဲက ထွက်လို့ မရဘူးဆိုတာပါပဲ။ သူ့ကို သော့ခတ်ထားတယ်။ နံရံ လေးဘက်ရှိတဲ့ အခန်းတခန်းထဲမှာ သူ့ကိုထည့် တံခါး သော့ခတ်ထားတယ်။

တချို့ မြန်မာတွေက ရဲက အဖမ်းခံရတာနဲ့ စစ်တပ်က အဖမ်းခံရတာကို ခွဲခြားပြောဖို့ အရေးကြီးတယ်လို့ ထင်ပါတယ်။ သူတို့တွေက ကျွန်တော်ကို ရဲက ဖမ်းပါတယ်။ စစ်တပ်က ထိန်းသိမ်းထားပါတယ်လို့ ပြောချင်ပါတယ်။ အမှန်တော့ ကျွန်တော်တို့ အမေရိကားမှာ ဒါတွေကို သိပ်ဂရုမစိုက်ပါဘူး။ ရဲပဲဖြစ်ဖြစ်၊ စစ်တပ်ပဲဖြစ်ဖြစ် ကျွန်တော်တို့ ဂရုမစိုက်ပါဘူး။

တချို့ မြန်မာများကတော့ jail ဆိုတာနဲ့ prisonဆိုတာကို ခွဲခြားပြောဖို့ အရေးကြီးတယ်ထင်ပါတယ်။ ကျွန်တော်တို့က ဂရုမစိုက်ပါဘူ။ သော့ခတ်ထားတဲ့ အခန်းကတော့ သော့ခတ်ထားတဲ့ အခန်းတခုပါပဲ။

မစ္စတာကေ က သူ့ကိုယ်သူ အင်္ဂလိပ်စကား ကျွမ်းကျင်သူ အဖြစ် သတ်မှတ်ထားပါတယ်။ စစ်တပ်က သူ့ကို အတင်းအဓမ္မ အခန်းထဲကို ထည့်ထားတာ(force him into a small room)ကို သူ့က သူ့ကို ဖမ်းထားတာ မဟုတ်ပါဘူးလို့ ဆိုပါတယ်။ ဘာဖြစ်လို့လဲဆိုတော့ စစ်တပ်က လူတွေကို မဖမ်းဘူး (arrest)၊ ထိန်းသိမ်းတာ (detain)လို့ သူက ထင်ပါတယ်။ ဒါကြောင့်ပဲ သူ့ဟာ ခိုလှုံခွင့် လျှောက်ထားရေးမှာ အမှုရှုံးသွားပါတယ်။

ပြီးခဲ့တဲ့ ၅နှစ်တုန်းက ကိစ္စတွေကို အသေးစိတ် တကယ်ပဲ မှတ်မိနိုင်မလား

ယူကရိန်းက မစ္စက် ယူ ကို နိုင်ငံရေး ခိုလုံခွင့်ပေးဖို့ ငြင်းပယ်လိုက်ပါတယ်။ ဘာဖြစ်လို့လဲဆိုတေ

၁။ သူကို ၂၀၀၃ခုနှစ် အောက်တိုဘာလ ၁၉ရက် စနေနေ့မှာ ဖမ်းတယ်လို့ အင်တာဗျူးမှာ ပြောပါတယ်။ ဒါပေမယ့် ပြက္ခဒိန်မှာ အောက်တိုဘာ ၁၉ရက် ၂၀၀၃ခုနှစ်ဟာ တနင်္ဂနွေနေ့ဖြစ်ပါတယ်။ (တကယ်တော့ မစ္စက် ယူက ၂၀၀၃ အောက်တိုဘာ လလယ်လောက်တုန်းက ဖမ်းခံခဲ့ရတယ်လို့ ပြောသင့်တာပေါ့)။

၂။ မစ္စတာ ဒီ ဆိုတဲ့ လူကို တယ်လီဖုန်းနဲ့ ပထမ ဆက်သွယ်ခဲ့တယ်လို့ မစ္စက် ယူ က အင်တာဗျူးမှာ နုတ်ဖြေ ဖြေခဲ့တာပါ။ ဒါပေမယ့် စာရွက်ထဲမှာ ရေးထားတာက စာနဲ့ ဆက်သွယ်ခဲ့တာလို့ ဆိုပါတယ်။ (ကျမ မစ္စတာ ဒီ ကို ဆက်သွယ်ခဲ့တယ်။ သူက ကျမကို သတင်းအချက်အလက်တွေ ပေးပါတယ်။ နောက်ပိုင်းမှာ သူနဲ့ မကြာခဏ အဆက်အသွယ်ရှိခဲ့ပါတယ်လို့ မစ္စက် ယူ ပြောသင့်တာပါ။)

၃။ အသေးစိတ် အချက်အလက် တော်တော်များများကို သူက နုတ်ဖြေ ဖြေတဲ့အထဲမှာ အများကြီး ထည့် ပြောထားပါတယ်။ ဒါပေမယ့် လျှောက်လွှာထဲမှာတော့ အဲဒီ အသေးစိတ်တွေကို မဖော်ပြထားပါဘူး။ (ကျမရဲ့ ဇာတ်ကြောင်းနဲ့ ပတ်သက်တဲ့ တခြား အသေးစိတ်အချက်အလက်တွေ အများကြီး ရှိပါတယ်။ ကျမကို တိုတိုရေးဖို့ အကြံပေးထားလို့ပါ။ ကျမ အသေးစိတ်ကို နောက်မှ ရှင်းပြမယ်လို့ မစ္စက် ယူက ရေးထားခဲ့သင့်တယ်။)

နေထိုင်ခွင့်ရဖို့အတွက် ပထမဆုံး မေးသော မေးခွန်းများ

လူဝင်မှု ကြီးကြပ်ရေး မှတ်တမ်း

ခင်ဗျားရဲ့ မွေးရပ်ဟာ ဘယ်မှာလဲ။ အမေရိကားကို ဘယ်တုန်းက ဘယ်လိုဗီဇာနဲ့ ၀င်လာခဲ့ပါသလဲ။ INS ဒါမှ မဟုတ် US-CISတို့မှာ တခြား လျှောက်ထားတာတွေများရှိသလား။ ကိုယ်တိုင် လျှောက်ထားတာလား။ သူများ လျှောက်ပေး ထားတာလား။ အမေရိကန် စစ်တပ်မှာ အလုပ် လုပ်ဖူးသလား။ ခင်ဗျား တရားဝင် နေထိုင် ခွင့်ကို ထိန်းသိမ်းထားရဲ့လား။ အခု ခင်ဗျားရဲ့ နေထိုင်ခွင့်က ဘာလဲ။ Freedom of information ဥပဒေအရ ခင်ဗျားရဲ့ အချက်အလက်တွေကို တောင်းနိုင်သလား။ တနှစ်ကို စာသေတ္တာ တခုအတွက် ၁၀၀ ဒေါ်လာပေးရတာ တန်သလား။

အမေရိကားရောက် ဆွေမျိုးများ အကြောင်း

အမေရိကန် နိုင်ငံသား တယောက် ဒါမှမဟုတ် ဂရင်းကဒ် ကိုင်ထားတဲ့သူ တယောက် ယောက် ကများ I-130ကို ခင်ဗျားအတွက် လျှောက်ထားပေးနိုင်မလား။ ခင်ဗျားမှာ အဘိုးအဖွား ရှိ သလား။ သူတို့တွေ အမေရိကားမှာ နေထိုင်ခဲ့ဖူးသလား။ ခင်ဗျားရဲ့ အဒေါ်တို့ ဦးလေးတို့က များ ခင်ဗျား အဖေ ဒါမှမဟုတ် အမေ အတွက်များ နေထိုင်ခွင့် လျှောက်ထား ပေးဖူးသလား။

ခင်ဗျား အလုပ်ရှင်

ခင်ဗျားအလုပ်ရှင်က အလုပ်သမား ၀န်ကြီးဌာနမှာ ETA-9089 ပုံစံကို တင်ပေးမှာလား။ ခင်ဗျားရဲ့ အလုပ်ရှင်က ဘုန်းကြီးကျောင်းလား။ ခရစ်ယာန် ဘုရားကျောင်းလား။ ခင်ဗျားမှာ ဘီအေ ဘွဲ့ရှိသလား။

နေထိုင်ခွင့် ရနိုင်ရေး လျှောက်လွှာများ

• I-589- နိုင်ငံရေုးခိုလှုံခွင့်၊ နေရင်းသို့ ပြန်လွှတ်ရေးမှ ကာကွယ်ခွင့်၊ ညှင်းပန်းနှိပ်စပ်မှုမှ လွတ်မြောက်ရေး ထုံးတမ်း (အမေရိကားရောက်ပြီး တနှစ်အတွင်း လျှောက်ထားရန်)
• တက္ကသိုလ်တခု သို့မဟုတ် ကျောင်း တကျောင်းက F-1 သို့မဟုတ် J-1 ဗီဇာကို ရယူပေးနိုင်သည်။
• အသက်၁၈နှစ်အောက်လား။
• ခင်ဗျားကို ခင်ပွန်းက စိတ်ကိုရော၊ ရုပ်ကိုပါ နာကျင်အောင် လုပ်သလား။ (I-360 ကို လျှောက်ရန်)
• အမေရိကန်မှာ ခင်ဗျားက ရာဇ၀တ်မှုခင်းတခုမှာ နစ်နာခဲ့ရသူဖြစ်သလား။
• ခင်ဗျားရဲ့ အမ အင်္ဂါ အစိတ်အပိုင်းအချို့ ဖျက်ဆီးခံရဘူးသလား။ ခင်ဗျား သမီးရော၊ ခင်ဗျားသမီးပါ အဖျက်ဆီးခံရဖို့ အန္တရာယ် ရှိနေသလား။
• ခင်ဗျားရဲ့ အလုပ်ရှင်က ခင်ဗျားကို ချိန်းခြောက်ဖူးသလား။ မူမမှန်တဲ့ ဆက်ဆံမှုမျိုးနဲ့ ဆက်ဆံသလား။
• ခင်ဗျားရဲ့ တိုင်းပြည်က လူတယောက်ယောက်များ ယာယီ စောင့်ရှောက် နေထိုင်ခွင့် ရဖူးသလား။
• ခင်ဗျား DV လျှောက်ဖူးသလား။
• ခင်ဗျား အမေရိကန်ကို ရောက်နေတာ ၁၀နှစ် ရှိသွားပြီလား။
• ကနေဒါမှာ နေထိုင်နေတဲ့ သူငယ်ချင်း ခင်ဗျားမှာရှိသလား။

လျှောက်လွှာနဲ့ သတင်း အချက်အလက်အတွက် ဖုံးနံပါတ်များ

(၁-၈၀၀-၈၇၀- ၃၆၇၆) (လျှောက်လွှာ) (၁-၈၀၀-၃၇၅-၅၂၈၃) (လူဝင်မှု ကြီးကြပ်ရေးကို မေးရန်) ၁-၈၀၀-၈၉၈-၇၁၈၀ (လူဝင်မှု ကြီးကြပ်ရေး တရားရုံး) www.uscis.gov

ကတ်သလစ် လူမှုရေးအသင်း (Catholic Charities) – (၂၀၂-၇၇၂-၄၃၅၆)၊ (၄၁၀-၅၃၄-၈၀၁၅)၊ (၇၀၃-၅၃၄-၉၈၀၅)။

မယ်ရီလန်း တက္ကသိုလ်- (၄၁၀-၇၀၆၃၉၂၂)

လူ့အခွင့်အရေးအတွက် ပထမ (Human Rights First) – (၂၀၂-၅၄၇-၅၆၉၂)

နိုင်ငံရေး ခိုလှုံခွင့်- (၁-၈၀၀-၃၅၄-၀၃၆၅)၊ (၂၀၂-၅၄၁-၃၉၅၆)

www.state.gov: သတင်းနှင့် ပြည်သူ့အရေး ကိစ္စများ၊ တိုင်းပြည်များအခြေအနေ အစီရင်ခံစာများနှင့် အရေးကြီး စာရွက်စာတမ်း။

www.ssa.gov အမေရိကန် မှတ်ပုံတင် အမှတ် လျှောက်ထားရန် (လျှောက်လွှာအမှတ် SS-5)

အခွန်ပေးသူ မှတ်ပုံတင် နံပါတ်(ITIN) အခွန်ဌာန W-7 လျှောက်လွှာ (၁-၈၀၀-၈၂၉-၃၆၇၆)

အခြား နိုင်ငံရေး ခိုလှုံခွင့် အတွက် အရေးပါသော အချက်အလက်များ လေ့လာနိုင်ရန်

http://winyourasylumcase.blogspot.com/

http://burmeseasylum.blogspot.com/

မစ္စတာ Giuseppe Eternoက ဘာဖြစ်သွားသလဲ။

တကယ်လို့ လ၀ကမှာ လျှောက်လွှာ တခုတင်ခဲ့ရင်၊ ကျွန်တော်ကိုများ အသေးစိတ် စစ်ဆေးပြီး ပြည်တွင်းကို ပြန်ပို့နိုင်သလား။

ရှေ့နေရဖို့အတွက် ဆက်သွယ်ရန်

924 G Street NW#225 Washington DC 20001
ကေသွယ်ခိုင် ၂၀၂-၅၃၆-၄၈၁၂ (ဘာသာပြန်ပေးသည်)